Amaia Eraso Lasa Nafarroako Unibertsitate Publikoko (NUP) Haur Hezkuntzako graduatuak eskoletan estimulazio multisentsoriala lantzeko protokolo bat garatu du Gradu Amaierako Lanean. Iruñeko Amaiur Ikastola publikoan probatu du protokoloa: gela multisentsorial bat sortu zuen han, eta lau urteko ikasle batekin lan egin zuen oinarrizko funtzio kognitiboak (arreta eta oroimena) garatzen laguntzeko.
